(таржимондан)
Моҳи рамазон ойи поёнига етиб, шаввол ойи бошланган шу кунларда интернетдан пайғамбар алайҳиссаломни улуғлаб ёзилган бир шеърий асар топиб олдим. Ушбу қасида 1368-1644 йилларда ҳукм сурган Мин сулоласи асосчиси, ислом динига хайрихоҳ Хитой императори Чжу Юаньчжан (1328-1398) томонидан ёзилган, ўша даврда Чин юртида қурилган барча масжидларга бу мадҳия ёзиб осиб қўйилган. Ҳатто ҳозир ҳам Хитойдаги айрим масжидлар пайғамбар алайҳиссаломга бағишланган ушбу асар билан зийнатланиб туради.
У “Юз сўз” деб аталади, чунки у аслият – хитойчада айнан 100 сўздан тажассум топган. Биз асарни рус тилидан эркин тарзда ўзбекчага ўгирдик, бироқ рус тилидаги таржима (илова қилинади) шеърий эмаслиги бизни асар шаклини танлаш бобида бирмунча қийнади. Гарчи қасида деган атамани ишлатган бўлсак ҳам, у асар руҳини ифодалайди, холос. Чунки бу таржима мумтоз қасида шаклида бўлмай, маснавийга яқин. Яна бир узрли томони – аслиятда йўқ бўлган вазн ва қофия келтириш тақозоси билан таржимамиз ҳажман сал ошиб, 120 га яқин сўзда тажассум топди.
Ҳозирги кунда Хитой давлатида мусулмонларга нисбатан зўрлик қилинаётгани ҳақидаги хабарлар фонида хитой подшоҳи томонидан бундан тахминан 660 йиллар бурун ислом етакчиси ҳақида бу қадар муҳаббат билан мадҳия ёзилганлиги ҳаммамизга таскин беради, қандай қийинчилик ва синовлар бўлмасин, ислом дини барибир ер юзида устувор бўлади, деб ишонгимиз келади…
Лавҳул маҳфузда битгач онинг исмин,
Холиқ барпо этмиш коинот жисмин.
Бу улуғ паямбар, келтирмишки дин,
Мағриб ўлкасида туғмиш онодин.
Ўттиз пора Китоб ангадир ваҳий,
Ҳечбир сирдан ғофил эрмас даргаҳи.
Ўшал зот – саноқсиз шоҳларга султон,
Ҳам минг лак валийга шаксиз ҳукмрон –
Қудрат соҳибига эгиб бошини,
Илтижо айларди тўкиб ёшини.
Ҳар куни беш маҳал ўқиркан намоз,
Баён айлар эди дилда неки роз.
Ҳожатмандлар арзин кўнглига тугиб,
Дуо қилар Оллоҳ сари юкуниб:
“Ёраб, барча сирдан ўзингсан воқиф,
Мискинларни қўлла, ҳолига боқиб.
Ҳар бир жон – сеники, ҳар кўнгил – тобе,
Бас, жабр айлама, этма итобе.
Сен – раббил оламин, оламни асра,
Гунаҳкор, бенаво одамни асра.
Жаҳолатдан қочсак, Сенга етурмиз,
Ислом бер, бермасанг қайга кетурмиз?”
Муҳаммад – шоҳларнинг мутлақ валийси,
Валийларнинг шоҳи, энг аввалийси…
(Зуҳриддин Исомиддинов таржимаси)
РУСЧА ТАРЖИМАСИ:
Вселенная началась с того, что на небесной табличке было записано его имя.
Великий мудрец, проповедующий религию, родился в западном царстве.
Дарование и получение небесного Писания в тридцати частях, универсально преобразующее все сотворенные существа.
Повелитель триллиона правителей, лидер десяти тысяч мудрецов.
С помощью судьбы, защитницы сообщества.
В каждой из пяти молитв он молча молит об их полном благополучии.
Его сердце было обращено к Аллаху, помня о нуждающихся.
Избавь их от невзгод в безопасное место, Знающий сокровенное.
Возвышенный над каждой душой и духом, свободный от каких-либо порицаемых поступков.
Милость ко всем мирам, чей путь является выдающимся на все времена.
Отказ от духовного невежества; возвращение к Единому – это религия под названием ислам.
Мухаммед – самый благородный мудрец.