Ўш шаҳрининг собиқ ҳокими Мелис Мирзақматов сентябрь ойидаёқ Қирғизистонни тарк этгани маълум бўлди.
“Кабар” агентлигининг куч органларидаги манбасига таянган ҳолда хабар беришича, Мелис Мирзақматов жорий йилнинг 27 сентябрь куни “Ақ жўл” чегара пункти орқали Қозоғистонга ўтган.
Эслатиб ўтамиз, 27 ноябрь куни Мелис Мирзақматовга Қирғизистон Жиноят кодексининг 304-моддаси (хизмат ваколатини суиистеъмол қилиш) бўйича сиртдан айблов эълон қилинди. Шу куни Ўш шаҳар суди М. Мирзақатовни ҳибсга олиш ҳақида қарор қабул қилди ва собиқ ҳоким қидирувга берилди.
Мелис Мирзақматов Ўш шаҳрининг Навоий кўчасида кўприк қурилиши бўйича хизмат ваколатини суиистеъмол қилишда айбланмоқда. Қирғизистон Бош прокуратуранинг маълум қилишича, собиқ ҳоким Мелис Мирзақматов қонунчиликка зид равишда, ўзбошимчалик билан, ҳеч қандай техник-иқтисодий асослар ишлаб чиқилмай туриб шаҳар ҳокимлиги ташкилотларига кўприк қурилишини молиялаштириш ва қурилишни бошлашга буйруқ берган. Бунинг натижасида давлатга 27 миллион сўмликдан зиёд зарар етказилган.
Источник: CA-NEWS